हिन्दू धर्मको विकल्प छैन – थापा

Published on: Fri, Dec 30th, 2016 By Diwas Pokhrel

१५ पुस, चौतरा । राष्ट्रिय प्रजातन्त्र पार्टीका अध्यक्ष कमल थापाले हिन्दू धर्मको विकल्प नभएको बताउनुभएको छ ।

सिन्धुपाल्चोकको चौतारामा आज आयोजित पार्टी एकीकरण भेलामा अध्यक्ष थापाले नेपालीको अभिमतबिनै हिन्दू धर्म मेटाउने काम भएको विचार व्यक्त गर्नुभयो ।

पछिल्लो राजनीति घटनाक्रमले देशलाई अस्थिरतातर्फ धकेलेको बताउँदै उहाँले सनातन धर्म र मुलुकलाई सङ्कटबाट जोगाउन आफ्नो पार्टी दृढ छ भन्नुभयो ।

सो अवसरमा राप्रपाका राष्ट्रिय अध्यक्ष पशुपतिशम्शेर राणाले स्थानीय निकायको निर्वाचन हुने प्रबल सम्भावना रहेकाले सजग रहन कार्यकर्तालाई निर्देशन दिनुभयो ।

वरिष्ठ नेता डा प्रकाशचन्द्र लोहनीले देशको ढुकुटीमा खर्बौ रकम भएर पनि सरकारले जनतालाई प्रत्यक्ष लाभ हुने गरी खर्च गर्न नसकेको बताउँदै ‘पार्टीभन्दा माथि उठेर काम गर्ने दलको अभावमा भ्रष्टाचार मौलाएको र सुशासन अभावका कारण’ आगामी दश वर्षमा सबैभन्दा नेपाल गरिब देश बन्ने चेतावनी दिनुभयो । रासस

Nepse Stock Market

Nepal Stock Exchange

बिदेशी विनिमय दर

Like us